【Mamidaily 親子日常】囝囝患蠶豆症加濕疹 旁人說話最難受 媽媽: 將責任推喺媽媽身上係另外一種負擔

阿冰回想最初知道剛出世的大仔患蠶豆症，心情十分複雜又自責，更一度懷疑是自己懷孕期間進食蠶豆所致：「我平時唔食蠶豆，但佗住大仔時，唔知點解有一日好想食蠶豆，仲特登搭車去買蠶豆食。」直至醫生的解釋才解開她的誤解：「如果爸爸媽媽都無蠶豆症，就可能係媽媽有蠶豆症隱性基因。」話雖如此，但阿冰依舊很自責，坦言說「每個父母都好希望仔女可以健康成長，點解我會遺傳咗呢樣嘢比個仔架?」

蠶豆症患者若接觸到致敏源，會出現溶血情況，而嚴重程度取決於患者的血容量。阿冰同老公都好擔心仔仔有生命危險：「始終成世人流流長，我地無可能永遠喺佢身邊，會唔會有啲情況令他溶血呢?」唯有自救並自細教導孩子保護自己。